جـاری 1394 نـچـی یـیـلـده تـانـیـقلی طنزچی یازووچیمیز محمد حلیم یارقین نینگ «حاجی تریشر» آتلی یـنـه بـیـر یـنـگـی کـتـابـی چـاپدن چیقدی. «حاجی تریشر»، اوشبو یازووچی نینگ نشر اېتیلگن اۉزبېکچه طنزلری نینگ یېتینچی کتابی دیر.

بــونـدن ایـلـگـری حـلـیـم یـارقـیـن دن «وکـالـت دغـدغـه لری!»، «ینگی رئیس هم کېلدی!»، «بیز اعلانلر تخـتـه‌سـی مـیـز!»، «ده‌یـدی ایـتلر کمپاینی!»، «سۉکیش هم پول بۉلر اېکن!» و «بو اۉشه بیچاره‌گینه!» آتلی آلتی عنوان طنز کتابلری باسـمه‌دن چیقیب، طنز سېور تیلداشلریمیز مطالعه‌لریگه پیشکش قیلینگن اېدی.

مــنـه حـرمـتـلـی تـیـلداشلریمیزگه، سیرکار یازووچیمیز نینگ ینه بیر ینگی طنز اثری باسمه‌دن چیققنلیک خوش خبرینی، قووانچ بیلن اوشبو انترنت صحیفه‌سی ارقه‌لی سیزلرگه یېتکه‌زیشدن ممنون‌میز.

«حاجی تریشر» آتلی طنزلر تۉپلمی، تورلی اجتماعی، سیاسی، مدنی تورموش ترماقلری، واقعه‌لری و سیمالریگه عاید یازووچی نینگ 16 ته میده-کتّه چوچوک طنزیدن عبارت دیر. کتاب چیرایلی بیچیم، صحافت و مقواده، «الازهر انتشارات مؤسسه‌سی» ارقه‌لی، 1000 نسخه‌ده کابل‌ده نشر اېتیلگن. کتاب مقواسینی استعدادلی یاش دیزاینر نورالله افروز طرح و دیزاین قیلگن.

اۉتکیر قلملی اۉزبېک طنزچیسی حرمتلی محمد حلیم یارقین نینگ ینگی نشردن چیققن «حاجی تریشر» آتلی کتابی نینگ اۉقیشی، ایلگرگی کتابلری کبی حرمتلی اۉقووچیلر لبلریده کولگی چیچکلرینی اېکیب، آز بۉلسه-ده آنه تیلیمیزنی اۉرگه‌نیلیشی، یوکسه‌لیشی همده اۉزبېک بدیعی نثری نینگ اۉسیشی و باییشی گه مناسب اولوش قۉشه‌دی، دېب امید بیلدیره‌میز.

بیز «حاجی تریشر!» چیرایلی بۉلیب باسمه‌دن چیقیب، اۉز مخلصلری حضوریگه یېتیب بارگنینی حرمتلی محمد حلیم یارقین و برچه طنزسېور مخلصلریگه تبریکلب، کتاب نینگ اۉقیشینی اۉزبېک تیلینی سېویب یورگن برچه سېویملی تیلداشلریمیزگه توصیه اېته‌میز.

کتابنی قۉلگه کیریتماق اوچون آدرس:ـ

کابل، دهمزنگ، بیرینچی سرک، «مرکز بزرگ کتاب» مارکیتی، الازهر انتشارات مؤسسه‌سی