میلادی ييل آگست آیی‌نينگ اون بيشينچى تاریخی‌ده حرمتلى محمدالله وطـنـدوسـت نـيـنگ آلتميش بـیـش يـيـلـلـيـک تـوغـيـلـگـن کـونى و تـقـاعد قيليشى، بیانی اجتماعی و فرهنگی جمغرمه‌سی و او کیشی‌نينگ عايله‌سی تمانيدن- دنمارک اولکه‌سی‌نينگ «وايله» ديگن شهريده تجلیل قيليندى. اوشـبو طنطنه‌لى احتفال‌ده- دنمارک، هالند، انگلستان، آلمان، ناروى و سويدن اولکه‌لريده يشه‌يديگان اولکه‌نينگ فرهنگی، اجتماعی و سیاسی شخصيتلرى قتنه‌شگن ايديلر.

مـحـفـل بـيـانـى اجـتـمـاعـی و فـرهـنـگـی جـمـغـرمـه‌سی و اونينگ هدف و فعاليتلرينى تانيشتيريش و حـرمـتـلـى مـحـمـد الله وطـنـدوسـت بـیـوگـرافـی‌سی يازيلگن جزوه‌نی (بروشور) توزیع قيليش بيلن باشله‌ندی.

حـرمـتـلـى انـجـنـير حفيظ الله حازم، او کیشی‌نينگ بیوگرافی‌سینى اوقيگندن سونگ، حرمتلى استاد بــسـم الله مـیـمـنه‌گی، روشنفکرلرنينگ وحدت و بيرليگی‌نينگ ضرورتی و مترقی دموکراتیک و عدالت تـيـلاوچـى کـوچـلـر وحـدت و بيرليگينى تأمينلش‌ده وطندوست نينگ یارقین فعاليتلری حقيده سوزلب، اونی مثبت ارزيابليک قيلدى.

اونـدن سـونگ دنمارک‌ده افغانستان خلق دموکراتیک حزبی کمیته‌سی‌نينگ مسؤولى و «سپیده دم» ســايـتـی‌نـيـنـگ بـاشلـيغى جناب عبدالواحد فیضی، وطندوست‌نينگ فرهنگی و سیاسی شخصيتى حـقـيـده سـوزلب- اولـکـه‌نـيـنـگ فرهـنـگـی و سیاسی نهادلريده اونينگ قيلگن فعاليتلری و ايشلرينى تيکشيريب چيقدى.

سونگى سوزلاوچی‌لر؛ حرمتلى جنرال یوسف ایوبی، حـرمـتـلـى عبدالرحمن سروری، حرمتلى محمد نسـیـم مشیر، حرمتلى دکتور عبدالمنان تاشقين، حرمتلى سراج الدین قيتمس، حرمتلى نجیب بريد، حرمتلى شمس سنا، حرمتلى نادعلی علميار، حرمتلى نعمت الله حیدری، حرمتلى فتح‌خان ساعی، حرمـتـلـى نـقـیـب‌الله حـسـرت و انجنير عبدالحق فیضی ايدیلر که، هر قه‌یسی‌لرى حرمتلى محمدالله وطـنـدوسـت‌نيـنـگ فـرهـنـگـی و سـیـاسـی فـعـالـيـتلری و اولکه‌نينگ اجتماعی، فرهنگی و سیاسی عرصه‌سیده قيلگن ايشلرى و او کیشی حياتی‌نينگ تورلى بُعدلرى حقيده صمیمی سوزله‌ديلر.

برنامه اره‌لريده حرمتلى کاندید اکادميسين دکتـور مـحـمـد یـعـقـوب واحـدی جـوزجـانـى، فـنلر دکتورى پـروفـيـسـور عـبـدالـحـکيم شرعی جوزجانی، استاد محمد عمر الیم بیات، استاد محمد عالم کوهکن، اسـتـاد مـحـمـد یـحـیی حفيظى جوزجانى، حرمتلى عظیم الله رحمانيار، حرمتلى محمد عیسی نیک آیـیـن، حـرمتلى یاسین خموش، یاش شاعر و ژورنالیست شهباز ایرج و دنمارک‌ده مقیم بولگن افغانلر شـوراسـى و افـغـانـسـتـان تـورکـلـر فرهـنگی فدراسیونی‌نينگ پياملرى اوقيليب همده ويديو دستورلر آرقه‌لى نمایش بيريلدی، که حاضر کیشی‌لر تمانيدن قيزغين استقبال قيليندى. بــیـانــی اجتمـاعـی و فـرهـنـگـی جـمـغـرمـه‌سـی فیس بوک صحیفه‌سی آرقه‌لى ييباريلگن پیاملردن- وقت آزليگى سببلى، یـالـغـوز آت تـوتـيـلـيـب اوتـيـلـدى. بـو پیـامــلـر سـيويملى آيخان بیانی، سلیمه اوتکير، حرمتلى انجنير عـبـدالـقـدوس حـمـیـدی، استاد عبدالله تاشقين، انجنير سهیل ارلات، شفیع جان عظیمی و حرمتلى وطندوست‌نينگ دوستلرى و عزيزلرى تمانيدن يولـله‌نگن ايدى.

ســونـگـره، حـرمتلـى وطندوست‌نينگ بويوک فرزندى جمشید وطندوست اوز آته‌سی حقيده سوزلب، اولـرنى حلال رزق و روزی بيلن تربیت قيليشی‌دن منتدارليک بيلديريب، اولکه‌نينگ فرهنگی، اجتماعی و سـیـاسی شخصيتلرينى اوز حضورلریده ایش و فعاليتلريدن تجلیل و قدرلش- اولرنى کوپراق تشویق قيـلـيـب، سـونـگگى ايشلرگه اولرنى مساعد قيليش و خاطره‌لرنى تجدیدی‌گه سبب بوليشى حقيده سـوزلـب، قـتنه‌شوچی‌لرگه ساغليک و سلامتليک آرزو قيليب، منتدارليک بيلديريش بيلن اولرنى طعام صرف قيليش‌گه دعوت ايتدى.

مـحـفــل‌نـيـنـگ ايـکـکينچى بوليمى، دنمارک‌ده مقیم بولگن خوش آواز هنرمند حرمتلى محمد همایون قوشيقلرى و دوستلرنينگ قرسک و اويين‌لرى بيلن دوام قيلدى.

مـحـفـل اداغــی‌ده، بـیـانی اجـتماعی و فرهنگی جمغرمه‌سی‌نينگ مسؤولی حرمتلى الماس بیانی- بــو مـحـفـل‌نـی عـالـی صورت‌ده سازمان بيريشى و يوروتيشی‌دن قدردانليک قيليش اوچون، حرمتلى وطـنـدوسـت تـمـانـيـدن تـون کـيـديـريلیب، بو جمغرمه روشنفکرلر وحدتى و بيرليگينى تأمينلش يوليده شـونده‌ی محفللر و ييغيليشلرنى ادامه بيريشى آرزو قيليندى. همده حرمتلى صنعتکار محمد همایون و اونـيـنگ گروپی‌دن- حرمتلى انجنير حفيظ الله حازم تمانيدن گُل بوغيملرينى بيريشى بيلن قدردانليک بيلديريلدى. ييغين يادگارليک صورت‌لر آلينيشى بيلن صمیمیت و ايسيق فضا ده اداغگه ييتدى.